Sa miliarda dollarë ka marrë Ukraina deri tani për luftën? “Top” tre vendet që mbajnë gjallë shpresën Kievit për fitore
Presidenti i SHBA Joe Biden ka njoftuar një paketë të re ndihme ushtarake për Ukrainën deri në 375 milion dollarë. Ai i tha Presidentit të Ukrainës Volodymyr Zelensky – në një takim në samitin e G7 – se SHBA po bënte gjithçka që mundej për të forcuar mbrojtjen e vendit kundër pushtimit rus.
Biden tha se paketa e ndihmës ushtarake përfshin municione, artileri, automjete të blinduara dhe stërvitje.
“Së bashku me të gjithë G7-ën, ne do të mbështesim Ukrainën dhe premtoj se nuk do të shkojmë askund”, i tha Biden Zelenskiy.
Në takim, Biden theksoi gatishmërinë e vendit të tij për të ndihmuar në ndërtimin e kapacitetit afatgjatë të Ukrainës për t’u mbrojtur kundër dhe për të penguar agresionin rus, tha Shtëpia e Bardhë.
Për këtë qëllim, Biden diskutoi mbështetjen e SHBA për një përpjekje të përbashkët me vendet aleate dhe partnere për të trajnuar pilotët ukrainas në aeroplanët luftarakë të gjeneratës së katërt si F-16, tha ai.
Zelensky falënderoi Shtetet e Bashkuara për paketën e re dhe për ndihmën financiare prej 37 miliardë dollarësh deri më sot, tha zyra e tij.
Duke falënderuar SHBA-në, llogaria e Zelensky në Twitter postoi: “Diskutuam bashkëpunimin e mëtejshëm për forcimin e aftësive mbrojtëse të vendit tonë, zbatimin e formulës së paqes në Ukrainë dhe projektet e rindërtimit”.
Anëtarë të lartë të Ukrainës dhe administratave amerikane ishin gjithashtu të pranishëm – duke përfshirë Sekretarin e Shtetit të SHBA Antony Blinken.
Ndërkohë në listën e vendeve që “mbajnë gjallë” betejën e ukrainasve në luftë kundër Rusisë janë edhe Britania e Madhe me Gjermaninë me rreth 11 miliardë paund ndihma deri tani. [Pamfleti]
