Prishtinë, 15 shtator – Irani sot rifilloi praktikën e fluturimeve komerciale në Afganistanin fqinj, ku talebanët morën kontrollin muajin e kaluar.
“Sot, Mahan Air po transportonte pasagjerë midis Mashhad dhe aeroportit të Kabulit,” raportoi agjencia e lajmeve Fars, duke iu referuar lidhjes ajrore midis qytetit të dytë më të madh të Iranit në verilindje dhe kryeqytetit të Afganistanit.
“Aktualisht, avioni i pasagjerëve po kthehet në Mashhad.” Ishte fluturimi i parë i tillë midis dy vendeve që kur talebanët u kthyen në pushtet më 15 gusht. Agjencia Iraniane e Aviacionit Civil njoftoi më 16 gusht pezullimin e fluturimeve në Kabul për arsye sigurie. Para ndërprerjes së fluturimit, Mahan Air organizoi dy fluturime në javë midis Mashhad-it dhe Kabul-it.
Mahan Air, kompania ajrore e dytë më e madhe iraniane pas Iran Air, është në listën e zezë të sanksioneve amerikane që nga viti 2011.
Sipas Komisionerit të Lartë të Kombeve të Bashkuara për Refugjatët, Irani pret më shumë se 3.46 milionë afganë, shumica e të cilëve janë refugjatë, dhe ata përfaqësojnë më shumë se katër përqind të popullsisë iraniane. [https://www.geopolitika.news/ ISHGJ]
