Shefi i Shtabit të Ushtrisë Amerikane Gjeneral Mark Milley mbrojti dje para Senatit pozicionimin e tij dhe thirrjet sekrete telefonike që kishte me Kinën, raporton Reuters. Republikanët kërkojnë dorëheqjen e tij. Megjithatë, ai pretendon se donte të zbuste tensionet midis dy palëve, jo “pushtetin e uzurpuar”.
Para Komitetit të Shërbimeve të Armatës Amerikane pranë Senatit, Milley foli për herë të parë më hollësisht për lëvizjet e tij si një oficer ushtarak i rangut të lartë, pasi u botua një libër që përshkruante telefonatat e tij “sekrete” me autoritetet kineze, domethënë bisedat me gjeneralin Li Zuocheng, komandant të Ushtrisë Çlirimtare të Popullit më 20 tetor 2020 dhe 1 janar 2021. Informacioni në lidhje me telefonatat me gjeneralin kinez në muajt e fundit të qëndrimit të Donald Trump, doli në dritë kur u botua një fragment nga një libër i gazetarëve Bob Woodward dhe Robert Coste.
Milley në përgjithësi konfirmoi pretendimet e librit se Pekini ishte i shqetësuar për faktin se Presidenti Trump mund të fillonte një luftë me Kinën, por hodhi poshtë pretendimin se thirrjet ishin sekrete. Sipas tij, këto thirrje ishin të koordinuara me qeverinë amerikane dhe se ai donte të qetësonte tensionet dhe t’i përcillte palës kineze mesazhin që të ishte “paqësore” dhe se “askush nuk do t’i sulmojë”. “Unë e di, jam i sigurt, presidenti Trump nuk kishte ndërmend të sulmonte Kinën dhe ishte përgjegjësia ime e paracaktuar të përcjell urdhrat dhe synimet presidenciale, ” tha Milley në një seancë të komitetit të Senatit.
“Mesazhi im ishte konsistent: vetëm qetësi, pa tension. Ne nuk do t’ju sulmojmë,” tha Milley në deklaratën e tij. Milley konfirmoi inteligjencën që bindi zyrtarët amerikanë se Kina ishte “e shqetësuar se Shtetet e Bashkuara do ta sulmonin atë”.
Ai gjithashtu pranoi se më 8 janar, ai foli me kryetaren e Dhomës Nancy Pelosi, e cila, sipas Washington Post, e pyeti gjeneralin se çfarë masash sigurie ishin marrë për të parandaluar “presidentin e paqëndrueshëm” nga kryerja e një sulmi bërthamor. “Ai është i çmendur. Ti e di që ai është i çmendur, ” i tha Pelosi Milley, sipas një libri të publikuar nga dy gazetarë.
Ai i tha asaj, se ai pretendon, se masat e sigurisë ishin marrë, por se ai “nuk ishte i kualifikuar për të vlerësuar shëndetin mendor të Presidentit të Shteteve të Bashkuara”.
“Në asnjë moment nuk u përpoqa të ndryshoj ose të ndikoj në procesin, të uzurpoj fuqinë ose të ndërhyj në zinxhirin e komandës,” tha Milley. Trump tha se ai “as që kishte menduar të sulmonte Kinën”.
Senatori republikan Marco Rubio ka kërkuar dorëheqjen e Milley. Nëdrkaq senatori Rand Paul beson se ai duhet të mbahet përgjegjës penalisht, nëse akuzat në libër janë të sakta. Milley gjithashtu do të dëgjohet nesër në Dhomën e Përfaqësuesve.
Marrja në pyetje e tij është ndër ngjarjet më të mbuluara nga mediat në Shtetet e Bashkuara. Milley është një gjeneral me përvojë i cili ka komanduar në Irak dhe Afganistan. Por ai është gjithashtu i njohur në publikun amerikan për trajtimin publik të temave të tilla si racizmi, ekstremizmi i brendshëm, armët bërthamore dhe aftësitë e Donald Trump si komandant i përgjithshëm. Milley u përfshi në çështje të rëndësishme politike, kështu që ai ishte rregullisht në faqet e para të mediave. Duket se këtë herë një “angazhim” i tillë i tepërt mund të kushtojë me pozicionet në armatë dhe segmete të sigurisë [Geopolitika.news / ISHGJ]
