Prishtinë, 18 nëntor – Britania e Madhe ka probleme të mëdha në forcimin dhe modernizimin e forcave të saj të armatosura. Ky fakt i referohet në radhë të parë asektorëve të rmatës së vjetëruar, veçanërisht njësive tankiste, por edhe forcave detare që përfaqësojnë vetëm një hije të flotës dikur të famshme të Perandorisë Britanike po aq të famshme dhe të madhe. Problemi, natyrisht, janë armët bërthamore të vjetruara në të njëjtat nëndetëse.
Për të përmbushur strategjitë e përcaktuara mbi të ashtuquajturën Pas Brexit ka nevojë për shumë para, meqë q sa janë, nuk janë të mjaftueshme. Ushtria britanike tani ka vetëm 80,000 trupa, dhe nëndetëset bërthamore dhe armët bërthamore në dispozicion të tyre (Britania nuk ka as raketa bërthamore me bazë tokësore) janë një produkt kombëtar amerikan dhe jo britanik – ndryshe nga Franca, e cila ka nëndetëset e saj bërthamore me reaktorët e vet bërthamorë – armët bërthamore të prodhimit të vet. Me fjalë të tjera, deklaratat e fundit të udhëheqjes ushtarake britanike se Britania duhet të jetë gati për luftë me Rusinë duken qesharake nga ky këndvështrim dhe I dedikohen kryesisht “tregut të brendshëm”, si justifikim për kostot e larta që do të duhet të pasojnë, që d.t.th për ripërtëritjen e forcës ushtarake, nëse synimet e përcaktuara strategjike duhet të arrihen të paktën përafërsisht.
Kujtojmë se, komandanti në largim i Forcave të Armatosura Britanike, gjenerali Sir Nick Carter, tha katër ditë më parë se ushtria e tij duhet të jetë gati për luftë me Rusinë pas tensioneve të fundit në Europën Lindore, por se ai nuk beson se Vladimir Putin me të vërtetë dëshiron një “luftë të vërtetë” me Perendimin ( info: The Guardian).
Sidoqoftë, lajmet e mëposhtme sigurisht që nuk mbështesin fjalët e gjeneralëve britanikë, si dhe strategjitë dhe planet e miratuara për rivendosjen e fuqisë së famshme ushtarake britanike.
Një avion britanik i teknologjisë stealth me origjinë amerikane, F-35B, u rrëzua në Mesdhe të mërkurën, më 17 nëntor, gjatë operacioneve të aeroplanmbajtëses britanike HMS Queen Elisabeth. Lajmi i publikuar nga media Military Watch është konfirmuar dje nga Ministria Britanike e Mbrojtjes.
Është raportuar se “një pilot britanik i F-35 me HMS Mbretëresha Elizabeth, është katapultuar gjatë operacioneve rutinë të fluturimit në Mesdhe”. Më tej u tha se “do të ishte e papërshtatshme të komentohej diçka në këtë moment”.
F-35B është gjuajtësi më i shtrenjtë në prodhimin serik të këtij avioni për shkak të aftësive të tij të uljes vertikale. Ato cilsëi teknike nevojiten për t’u vendosur në aeroplanmbajtëse britanike, të cilat, ndryshe nga ato amerikane dhe franceze, nuk kanë aftësinë të pranojnë avionë ushtarakë konvencionalë të bazuar në transportues. Si rezultat, gjuajtësi F-35B kushton mbi 50 për qind më shumë se F-35A konvencional, i cili është varianti më i zakonshëm i këtij lloji të avionit dhe është shumë më pak i aftë se ai – me më pak ngarkesë, rreze më të shkurtër dhe shumë më të ulët, për rrjedhojë manovrimi i tij i spikatur, që ia ka mundësuar kompromisi për dizajnin për t’u përshtatur me uljen vertikale.
Britania mori tre F-35 të prodhimit amerikan në fillim të nëntorit, duke e rritur flotën e saj në 24 dhe 13 të tjerë do të dorëzohen në fund të vitit 2023. Edhe pse fillimisht ishte vendosur për të dorëzuar 138 avionë, sot duket se edhe gjysma e këtij numri nuk ka gjasa të realizohet, për shkak të vështirësive financiare, thanë mediat. Mangësia u kompensua me vendosjen e U.S. Pat. Marina F-35B në HMS Queen Elizabeth, me vetëm tetë F-35 britanikë, kur ajo aeroplanmbajtëse nisi udhëtimin e saj të parë shtatë-mujor në oqean. Në veçanti, ai u mbështet nga 10 F-35 amerikanë.
[Geopolitika.News/ISHGJ]
