[Koment i diëts, 11 janar 2024]
Nga Dr Sadri RAMABAJA
Dy zyrtarë të lartë suedezë kanë paralajmëruar përgjegjësit e shtetit dhe popullin që të përgatiten për luftë, madje edhe në këtë periudhë kur Suedia përgatitet për fazat e para të anëtarësimit në NATO.
Gjatë një konference sigurie në Suedinë perëndimore që zhvilloi punimet në fundjavën që lamë pas, ministri i mbrojtjes civile i Suedisë, Carl-Oskar Bohlin, tha se nevojiteshin veprime të shpejta për të zbutur kërcënimin e afërt nga Rusia, duke vënë në dukje zhvillimet në Ukrainë si dëshmi se lufta mund të përhapet në pjesë të tjera të Evropës, raporton The Independent.
“Shumë e kanë thënë këtë para meje, por më lejoni ta them me fuqinë e zyrës sime – mund të ketë një luftë në Suedi,” tha ai, duke shtuar se ndërgjegjësimi duhet të përkthehet në veprime praktike, si investime më të mëdha në mbrojtje dhe Ushtri.
Ai shtoi: “Një përpjekje e tillë mund të bëhet mjaft shpejt vetëm nëse shumica dërrmuese e njerëzve janë të vetëdijshëm për situatën dhe kuptojnë se çfarë është në rrezik.”
Në këtë linjë gjykimi ishte edhe reagimi i komandantit të lartë ushtarak i Suedisë, Micael Byden. Ai i vlerësoi komentet e ministrit Bohlin. “Në nivel individual, duhet të përgatitesh mendërisht,” tha ai, duke shtuar: “Kjo është një situatë shumë serioze dhe ministri ishte i qartë. Tani ka të bëjë me kalimin nga fjalët dhe të kuptuarit në veprime”.
Këmbanat e alarmit do të duhej të binin pa pra edhe këtu mes nesh, në Tiranë e Prishtinë, ndërkaq ato do të duhej të shoqëroheshin me masa urgjente të mbrojtjes si Komb.
Është shqetësues fakti se në Kosovë ende nuk kanë filluar të bëhen veprime konkrete në lëmin e mbrojtjes civile dhe propagandës efektive në rrafshin civil.
Sidomos kur gjasat mund të rezultojnë krejt reale se fronti i dytë i luftës mund të fillojë pikërisht në Kosovë dhe Bosnjë, pra kur duket qartë se lufta është në të vërtetë në horizont.
Nëse kemi parasysh pregaditjet intenzive që po i bën Serbia për këtë front lufte, natyrisht edhe përballjen intenzive mes dy blloqeve që realisht po e bëjnë luftën në truallin e Ukrainës, ambiciet e mia nuk janë që të përhapi panik tek popullata jonë, këtu në Kosovë apo gjthandej ku jetojnë shqiptarët, por gjykoj se kësaj gjendjeje i shkon për shtati angazhimi sipror që të ndërgjegjsohemi sa më shumë dhe të mendojmë për situatat në të cilat mund të përballemi shpejt si qytetarë e si Komb.
Republika e Kosovës, rrjedhimisht edhe Shqipëria politike, tok me fqinjët tanë – Maqedonia e Veriut dhe Mali i Zi, tashmë jetojnë nën hijen e drejtpërdrejtë të etheve të luftës që po pregaditë Serbia si satelitete e Rusisë në rajon.
Agresioni ushtarak i 24 shtatorit 2023 ndaj Republikës së Kosovës ishte prologu i luftës që pretendon Serbia ta fillojë me kërkesën dhe në dobi të Rusisë, por natyrisht edhe të projektit të saj që ndërlidhet me realizimin e “Botës Serbe”. Intervista e Dodikut dhënë mediave ruse së fundmi dhe deklarata e nënshkruar nga tre kryeparlamentarët serb [ai I Serbisë, Bosnjës dhe Malit të Zu] flasin në dobi ët kësaj teze. Nëdrkaq parakalimi i forcave të sigurisë më 9 janar në Banjallukë dhe pjesëmarrja e personaliteteve civile e ushtarake të Serbisë, përfshi djalin e presidentit serb dhe ministra e eprorë të lartë të Kishës Serbe, flet shumë në këtë plan. Ndërkaq letra e kryeministres së Serbisë dërguar Sërbimit të jashtëm të BE-së vetëm dy ditë para zgjedhjeve në Serbi, përmes së cilës edhe një herë nënvizohet pozicioni i Serbisë se ajo “nuk e njeh kurrë pavarësinë e Kosëvs” dhe krahas kësaj nënvizon edhe faktin se Beogradi zyrtar nuk njeh integritetin territorial të Kosovës, do t duhej të kuptohej si ultimatum i lloit të vet, që për objektiv ka destabilizimin edhe të këtij krahu të Europës.
Këmbanat e alarmit gjithmonë bien vetëm për ata që kanë vesh.
