Rusia thuhet se ka marrë mbështetje nga Irani në luftën në Ukrainë. Perëndimi shpall “pasoja të rëndësishme”.
[07.09.2024; Berliner Zeitung]
Sipas zyrtarëve amerikanë dhe evropianë, Irani besohet se ka furnizuar Rusinë me raketa balistike. Kështu është raportuar nga Wall Street Journal. Perëndimi ka kohë që paralajmëron kundër furnizimit me armë të tilla Rusisë.
Dërgesa pritet të përfshijë disa qindra raketa balistike, sipas zyrtarëve perëndimorë. Irani ka një shumëllojshmëri armësh të tilla, me një rreze veprimi deri në 800 kilometra. Në javët e fundit, Rusia ka intensifikuar sulmet e saj ndaj qyteteve dhe infrastrukturës kritike të Ukrainës. Tek këtë javë, Shtetet e Bashkuara informuan aleatët e tyre për dërgesat e armëve.
SHBA njofton për “pasoja sinjifikante” kundër Iranit
Zëdhënësi i Këshillit të Sigurisë Kombëtare të SHBA-së, Sean Savett, i përshkroi raportet për thellimin e bashkëpunimit të sigurisë midis Rusisë dhe Iranit si shqetësuese. Në samitet e G7 dhe NATO-s në verë, u bë e qartë se veprime të tilla do të kishin “pasoja sinjifikante”, thuhet në kumtesë.
Megjithatë, Irani mohoi se i kishte furnizuar Rusinë me raketa balistike për t’u përdorur në luftën në Ukrainë. Një zëdhënës i misionit të Iranit në OKB, në Nju Jork, u bëri thirrje vendeve tjera që gjithashtu të ndalojnë furnizimin me armë për palët në konflikt.
Rusia ka përdorur tashmë dronët iranianë në luftën që po bën në Ukrainë dhe gjithashtu ka municione dhe raketa nga Koreja e Veriut. Dorëzimi i raketave iraniane mund të forcojë ndjeshëm aftësinë luftarake të Rusisë dhe të paraqesë sfida shtesë për Ukrainën, thekson Wall Street Journal.
Shtetet perëndimore aktualisht po punojnë për sanksione të mëtejshme kundër Iranit. Ndër të tjera, Iran Air, linja ajrore kombëtare, mund të humbasë të drejtat e uljes në Evropë. BE, SHBA dhe Britania e Madhe kishin vendosur më parë sanksione ndaj Rusisë dhe Iranit për shkak të furnizimit të Moskës me dronë iranianë.
Zyrtarët evropianë dhe iranianë ishin shpresuar fillimisht se zgjedhja e presidentit të ri të Iranit Masoud Pezeshkian mund të çonte në një de-përshkallëzimin e tensioneve. Por vendimi i supozuar për furnizim me armë nga qeveria e re duket se devijon nga rruga diplomatike.
Shtetet perëndimore kanë paralajmëruar në mënyrë të përsëritur Teheranin se mbështetja e Rusisë në luftën në Ukrainë mund të tensionojë rëndë marrëdhëniet. Në muajt e fundit, SHBA-të kanë zhvilluar bisedime me Iranin përmes shteteve ndërmjetëse si Omani për të paralajmëruar kundër dërgesave të armëve. Sipas zyrtarëve amerikanë, këto diskutime pritet të vazhdojnë edhe në muajt në vijim. [Përktheu: ISHGJ]
