[7 dhjetor, 2024]
Rebelët sirianë thanë këtë mëngjes se kishin marrë kontrollin e qytetit jugor Daraa, ku filloi një kryengritje kundër presidentit Bashar al-Assad në vitin 2011, qyteti i katërt që forcat e tij humbën brenda një jave.
Burimet rebele thanë se ushtria kishte rënë dakord të tërhiqej nga Daraa sipas një marrëveshjeje që u jep zyrtarëve ushtarakë kalimin në kryeqytetin Damask, rreth 100 km në veri. Videot në mediat sociale treguan kryengritësit me motoçikleta dhe të tjerë që përziheshin me banorët në rrugë. Sipas pamjeve, njerëzit qëlluan në ajër në sheshin kryesor të qytetit për të festuar. Duket se është një ofensivë në jug të Sirisë.
Ushtria dhe qeveria e Asadit nuk komentuan. Me rënien e Daraas, forcat e Asadit u dorëzuan rebelëve 4 qendra të rëndësishme brenda një jave. Në radhë, ato janë: Halepi, Hama, Deir-ez-Zor dhe Daraa.
Daraa, e cila kishte më shumë se 100,000 banorë para fillimit të luftës civile 13 vjet më parë, ka një rëndësi simbolike si djep i kryengritjes. Është kryeqyteti i provincës që ka rreth një milion banorë dhe kufizohet me Jordaninë. Daraa u pushtua pasi rebelët pretenduan të premten se kishin avancuar në skajin e qytetit qendror të Homsit, një udhëkryq qensor midis kryeqytetit dhe bregut të Mesdheut.
Qyteti pasues është Homs?
Marrja e Homsit do ta shkëputte Damaskun nga bastioni bregdetar i sektit pakicë alavit të Asadit dhe nga baza detare dhe ajrore atje e aleatit të tij – Rusisë. “Forcat tona kanë çliruar fshatin e fundit në periferi të qytetit të Homsit dhe tani janë brenda mureve të qytetit”, tha grupi sirian që udhëheq sulmin e gjithanshëm në aplikacionin e mesazheve Telegram. Megjithatë, ka disa arsye pse kapja e Homsit mund të jetë një “kafshatë” më e madhe. [GN/ISHGJ]
Një koalicion i grupeve rebele që përfshin grupin islamik Hayat Tahrir al-Sham (HTS) lëshoi një thirrje të fundit që forcat besnike të qeverisë së Asadit në Homs të dezertojnë.
Përpara përparimit të rebelëve, mijëra njerëz u larguan nga Homs-i për në rajonet bregdetare të Latakias dhe Tartusit, thanë banorët dhe dëshmitarët, bastionet e qeverisë.
