Forcat ukrainase sulmuan disa aeroporte dhe objekte ushtarake ruse gjatë natës më 6 qershor, orë përpara se Rusia të niste një nga sulmet ajrore më të rënda të luftës, njoftoi Shtabi i Përgjithshëm i Forcave të Armatosura të Ukrainës, raportoi Militarnyi.
Sulmet ukrainase thuhet se kishin në shënjestër aeroportet Engels dhe Djagilevo – dy qendra kryesore për flotën ruse të bombarduesve me rreze të gjatë, si dhe vende logjistike në rajonin e Kurskut të Rusisë. Duket se janë sulmuar edhe lokacione pranë aeroportit Bryansk. Sulmi, pretendojnë ata, ishte parandalues, sepse ata presin hakmarrje nga Rusia për sulmet e mëparshme me dronë ndaj bombarduesve strategjikë. Disa orë pas sulmit, Rusia sulmoi Ukrainën me 452 dronë dhe 45 raketa, duke vrarë të paktën pesë persona dhe duke plagosur 73 në një nga sulmet më të mëdha.
Rezervuarët e karburantit në bazën Engels-2
Baza ajrore Engels-2, e vendosur në rajonin e Saratovit, pothuajse 600 kilometra nga linjat e frontit ukrainas, është shtëpia e bombarduesve rusë Tu-95, Tu-22M3 dhe Tu-160 – avionë të përdorur rregullisht në sulmet me raketa në qytetet e Ukrainës.
Rreth orës 3:00 të mëngjesit, dronët shënjestruan një depo karburanti në objektin e rezervave të karburantit në Kristall të Engelsit, rajoni i Saratovit, i cili furnizon me karburant bombarduesit strategjikë rusë. Depoja furnizon në mënyrë specifike bazën ajrore ushtarake Engels-2 aty pranë.
Shtabi i Përgjithshëm i Ukrainës tha se sulmi kishte shkaktuar zjarre të mëdha në objekt, duke goditur të paktën tre rezervuarë karburanti. Pamjet dhe raportet lokale konfirmuan një zjarr të madh dhe shpërthime të shumta në zonë. Guvernatori i Saratovit Roman Busargin konfirmoi zjarrin në një “ndërmarrje industriale” të paspecifikuar dhe dëmtimin e një ndërtese apartamentesh nga dronët. Nuk raportohet për viktima.
Para këtyre sulmeve, pati shpërthime të fuqishme dhe një zjarr në aeroportin Bryansk në mbrëmjen e vonë të 5 qershorit. Pamjet në video të publikuara nga nga dëshmitarët lokalë treguan shpërthime dytësore, duke sugjeruar se u godit një sistem armësh ose municionesh ose objekti i ruajtjes së raketave.
Shtëpia e avionëve të karburantit ajror mirret në shënjestër
Aeroporti Dyagilevo në rajonin e Ryazanit, shtëpia e cisternave të karburantit ajror dhe avionëve luftarakë që shoqëronin bombarduesit, ishte gjithashtu në shënjestër. Shtabi i Përgjithshëm raportoi dëme nga zjarri në zonë dhe u regjistruan aktivitete dhe shpërthime të mbrojtjes ajrore ruse. Rezultatet e sulmit janë ende duke u vlerësuar.
Ukraina gjithashtu pretendon se ka goditur një qendër logjistike të bashkangjitur me Regjimentin e 30-të të Motorizuar të Divizionit 72 Rus pranë Kulbaki në rajonin e Kurskut. Ministria ruse e Mbrojtjes pretendon se 174 dronë ukrainas u kapën gjatë natës në 12 rajone të Rusisë dhe Krimesë. “Sulmet ndaj infrastrukturës ushtarake do të vazhdojnë derisa agresioni i armatosur i Federatës Ruse kundër Ukrainës të ndalet plotësisht”, tha Shtabi i Përgjithshëm i Ukrainës.
Vala e fundit e sulmeve ukrainase thekson zhvillimin e aftësive të sulmeve me rreze të gjatë veprimi të Kievit, si dhe përpjekjet e tij për të shkatërruar paraprakisht asetet ruse të përdorura në sulmet ajrore. [GN/ISHGJ]
