Peter Marko Tase [Berat/Çikago]
Në vitin 2014, Universiteti Kombëtar i Lindjes në Paraguaj (UNE) ishte ndër pesë institucionet më të mira publike-private të arsimit të lartë në mbarë vendin. Dhjetë vjet më parë, nën udhëheqjen e rektorit Prof. Dr. Viktor Britez Chamorro [1], UNE siguroi burime të bollshme financiare nga Qeveria e Presidentit Horacio Manuel Cartes Jara, duke i mundësuar universitetit të kishte kanalin e tij televiziv, të prezantonte diplomacinë ekonomike të Paraguajit në Amerikën e Veriut, përforcimi i kërkimeve në Industrinë e Energjisë së Rinovueshme dhe ofroi bursa për studentët për të kryer kërkime në bujqësi dhe industri ushqimore jashtë vendit (SHBA dhe Euroazi). Në qershor 2016, UNE mirëpriti Dr. Harold J. Krent, Dekan i Chicago – Kent College of Law (Illinois Institute of Technology – IIT [Instituti Teknologjik i Ilinoisit]), [2] duke qenë vizita e parë ndonjëherë e një udhëheqësi të një universiteti amerikan në historinë e vendit që nga vdekja e Gjeneralit Alfredo Stroessner Matiauda, aleatit më besnik të SHBA gjatë Luftës së Ftohtë (1954-1989).
Sot, UNE në Ciudad del Este– Paraguaj, nën udhëheqjen e rektorit Dr. Osvaldo de la Cruz Caballero dhe miqve të tij – Julio César Meaurio Leiva dhe Gerónimo Manuel Laviosa González – është bërë shëmbulli kryesor se si korrupsioni gërryen cilësinë e arsimit të lartë dhe dëmton ndjeshëm interesin publik në nivelet më të ashpra.
Ndërsa Presidenti Santiago Peña Palacios ka shpallur hapur një luftë të papreçedentë kundër nepotizmit, trafikut të ndikimit dhe korrupsionit, rektori Cruz Caballero dyshohet se ka ndarë burime të mëdha buxhetore për të përfituar drejtpërdrejt anëtarët e familjes dhe bashkëpunëtorët e tij të ngushtë që ndihmojnë në ruajtjen e feudit të tij të paprecedentë; veprime që janë një kërcënim i qartë për zhvillimin ekonomik të Rajonit Alto Paraná.
Zoraida Caballero Salinas është vajza e rektorit Osvaldo de la Cruz Caballero (UNE). Është raportuar se ajo iu bashkua Universitetit si profesoreshë asistente në Fakultetin e Shkencave Ekonomike (FCE) në vitin 2016, e përzgjedhur nga lista e kandidatëve që Bordi Drejtues i këtij fakulteti propozoi për punësim në Këshillin e Lartë të UNE-së i cili drejtohej nga babai, Osvaldo de la Cruz Caballero, në atë kohë duke shërbyer si Zëvendës Rektor.
Rasti i vajzës së Caballeros, i raportuar nga Grupi Mediatik La Nacion në Asuncion, është një nga shumë individë që dyshohet se janë punësuar në mënyrë të parregullt nga drejtuesit kryesorë të UNE-së. [3]
Rasti i Zoraida Caballero Salinas bie në sy mes të afërmve të zyrtarëve të lartë të Universitetit Kombëtar të Lindjes (UNE), të cilët favorizohen me emërime brenda institucionit; nëse është e vërtetë, sugjeron se ajo është përzgjedhur në mënyrë të parregullt mes 105 kandidatëve të kualifikuar.
Në rezolutën e lëshuar për pozicionin e saj, përmendet se Bordi Drejtues – i Kolegjit të Shkencave Ekonomike FCE – miratoi kandidatët që plotësonin “kërkesat e dokumentacionit, meritës dhe aftësive që përputhen me kriteret e përcaktuara në Rregulloren e Konkursit të Kryesisë së Institucionit”; megjithatë, detaje të mëtejshme nuk dihen rreth pikëve të marra nga secili kandidat dhe çfarë kushtesh janë përmbushur.
Në listën e propozuar nga Këshilli i FCE-së vërehet se vajza e rektorit ishte e vetmja kandidate për pozicionin e asistentit të Metodologjisë dhe Teknikës së Kërkimit të vitit të dytë, seksioni B i diplomës Administrim Biznesi; duke siguruar pozicionin që më vonë kishte miratimin e Këshillit të udhëhequr nga babai i saj, sipas raportimeve.
Një moment tjetër i çuditshëm është se në të njëjtin vit, Zoraida iu bashkua edhe Shkollës së Studimeve të thelluara të UNE-së, ku ishte profesoreshë kërkimore deri në vitin 2017, megjithëse rezultatet e kërkimit të saj nuk dihen. Shkolla Pas-universitare e UNE-së drejtohet nga Gerónimo Manuel Laviosa González, një ish-rektor i cili ka mbushur moshën e pensionit, por megjithatë dyshohet se vazhdon të marrë një rrogë të madhe për kurset që ai nuk jep mësim dhe për ndërmarrjen e projekteve kërkimore që nuk publikohen kurrë.
Në analizën e tij të fundit mbi Paraguajin, Eduardo Álvarez Rodríguez, president dhe CEO i PUENTIA thotë:
“Për të krijuar duhet të besosh. Ky është një kilometër zero i gjithçkaje ose pothuajse çdo gjë. Besoni. Vizita e fundit zyrtare e Presidentit Santiago Peña në Spanjë sigurisht që i ka mahnitur të gjithë. Nga Madridi, kryeqyteti i modës në Evropë, Santiago Peña ka prezantuar projektin e vendit të tij, atë të një kombi të përgatitur për të pohuar veten para botës, një fener rajonal i stabilitetit politik dhe ekonomik në qendër të Mercosur. [4]
Nën drejtimin e Caballero, komuniteti i studjuesve dhe studentëve në UNE ka pushuar së besuari këtë.
Për më tepër, një tjetër individ i favorizuar duket të jetë Carlos Mancuello Egusquiza, vëllai i dekanit të Fakultetit të Drejtësisë dhe Shkencave Sociale, Rafael Mancuello Egusquiza, i cili u bë në vitin 2019 (vetëm një vit pasi vëllai i tij mori detyrën si dekan) si drejtues i zyrës në Drejtorinë e Kërkimeve dhe 6 muaj më vonë ai mori një pozicion mësimor me kohë të plotë të barabartë me 6.3 milionë Gs., të ardhura që, duke shtuar orët e tij të mësimdhënies, gjeneruan një shpërblim prej 12.6 milionë G.. (përafërshisht US$2,000.00, në muaj).
UNE vazhdon të vuajë nga administrimi i paskrupullt i burimeve publike, Caballero duhet të japë dorëheqjen dhe zyra e prokurorit të përgjithshëm të Paraguait Dr. Emiliano Rolón Fernández duhet të hapë menjëherë një hetim.
Referencat:
[1] https://foreignpolicynews.org/2014/06/07/victor-britez-chamorro-banality-evil/
http://www.une.edu.py/web/index.php/institucional/directivos/rectorado
[4] https://www.lanacion.com.py/voces/2024/03/03/pena-palacios-el-puente-de-paraguay/
