Biden-i miratoi dërgimin e kasetave thërrmuese në Ukrainë
Zagreb/Prishtinë, 7 korrik 2023 – Shtetet e Bashkuara do të furnizojnë Ukrainën me municione [kaseta] thërrmuese, tha Shtëpia e Bardhë të premten, duke kaluar një prag të rëndësishëm në llojin e armëve që dërgohen në Kiev për t’u mbrojtur kundër Rusisë, shkruan AFP.
“Është një vendim i vështirë. Ne u vonuam” për një kohë, u tha gazetarëve këshilltari i Sigurisë Kombëtare i Shtëpisë së Bardhë, Jake Sullivan, duke shtuar se ishte “gjëja e duhur për të bërë”.
Ai tha se presidenti Joe Biden e mori vendimin pas konsultimit me aleatët dhe një “rekomandimi unanim” nga administrata e tij.
Sullivan tha gjithashtu se ukrainasit kanë dhënë garanci “të shkruara” se si do t’i përdorin këto armë për të minimizuar rrezikun për civilët.
Kasetat thërrmuese, të ndaluara në më shumë se 120 vende, lëshojnë shumë bomba më të vogla që mund të vrasin pa dallim në një zonë të madhe, duke krijuar një kërcënim të fortë për civilët. Municionet janë të diskutueshme sepse “këmbanat” e pashpërthyera mund të qëndrojnë në tokë për vite dhe më vonë mund të shpërthejnë.
Sullivan tha gjithashtu se Ukraina nuk do të bashkohet me NATO-n në një samit në Vilnius javën e ardhshme, megjithëse anëtarësimi i mundshëm i Ukrainës do të diskutohej pas përfundimit të luftës. Kyiv ka “shumë faza për të kaluar përpara se të bëhet anëtar” i Organizatës së Traktatit të Atlantikut të Veriut, shtoi ai. [GN/ISHGJ]
